2023թ. Հոկտեմբերի 20-ինԱրմավիր քաղաքի Զարգացման կենտրոնում տեղի ունեցավ Կանաչ ակումբների երրոդ հանդիպում, որը նվիրված էր Մոդուլ 3-Ջուր, ջրօգտագործում, ջրախնայողություն՝ հնարավոր տարբերակների, ինչպես նաև կեղտաջրերի և արդյունաբերական հոսքաջրերի քանակների նվազեցմանը և շրջակա միջավայրի վրա նրանց ունեցած բացասական ազդեցությանը և վերջինիս հետևանքների վերացմանը:
Բանախոսները՝ ծրագրի փորձագետներ Տ. Սեկոյանը և Դ. Սահակյանը, վերլուծեցին Կանաչ ակումբի մասնակից ՓՄՁ-ների նախորդ երկու հանդիպումների ընթացքում իրենց ձեռնարկություններում վերհանված խնդիրները, որոնք առնչվում էին կազամկերպությունների բնապահպանական նկարագրերին և Էներգախնայողությանը, մանրամասն խոսեցին և ներկայացրին ՌԱՄԱ մեթոդաբանության առանձնահատկությունները:
Դ. Սահակյանը խոսեց Ջրային ռեսուրսներ. Գլոբալ և Ազգային խնդիրներ թեմաների շուրջ, ներկայացնելով ջրի համաշխարհային պահանջարկի շարունակական աճը, ջրօգտագործման ներկայիս մակարդակը՝ արդյունաբերական և կենցաղային ոլորտներում ջրիպահանջարկի աճի պատճառները:
Բանախոսը նաև ներկայացրեց Կեղտաջրերի առկայության մարտահրավերները, արտադրության համար ջրօգտագործման աճող պահանջարկը, ինչպես նաև ներկայացրեց արդյունաբերությունը որպես կեղտաջրերի առաջացման հիմնական աղբյուր:
Ջրային ոլորտում Ազգային մարտահրավերները ներկայացվեցին մի քանի տեսանկյունից.
- Ջրային ռեսուրսների վրա կլիմայի փոփոխության հետևանքները մեղմելու և տնտեսությունը բնական նոր պայմաններին հարմարեցնելու համալիր միջոցառումները:
- Ջրօգտագործման թույլտվությունների տրամադրումը՝ հաշվի առնելով կլիմայի փոփոխության ռիսկերը:
- Ստորերկրյա ջրերի վրա կլիմայի փոփոխության ազդեցության գնահատում:
Տ. Սեկոյանը ներկայացրեց ոլորտում բիզնեսի մտահոգությունները, Ջրի խնայողության, Ջրի սպառման կրճատման և օգտագործման արդյունավետության օգուտները:
Բանախոսը նաև ներկայացրեց Ջրաղբյուրի ընտրության և արդյունավետ օգտագործման բիզնես օրինակներ ՌԱՄԱ շահառու հայաստանյան կազմակերպությունների օրինակով:
