ՌԱՄԱ կիառման բիզնես օրինակ՝ «Սիս Ալպ» ՍՊԸ
«Սիս Ալպ»-ը հիմնադրվել է ներկայիս գործադիր տնօրեն Հուսիկ Ստեփանյանի կողմից 2007 թվականին, նախկինում պետական սեփականություն հանդիսացող «Սիսիան Կաթ» գործարանի տարածքում։ Գործադիր տնօրենը նաև տրամադրել է արտադրական և ենթակառուցվածքների համար անհրաժեշտ տարածքը։ Ընկերությունը մասնագիտացած է վեց տեսակի կաթնամթերքի (պանիր, շշալցված կաթ, կեֆիր, մածուն, կարագ և կաթնաշոռ) և 33 ենթակարգերի արտադրության մեջ՝ իր արտադրանքը ընդլայնելու ներուժով մինչև մրգային կաթնային կոկտեյլներ, սպիտակուցի փոշի և սննդամթերքի մնացորդներից կենդանական կեր: Ձեռնարկության հիմնական մարտահրավերներն են պանրի արտադրության ավելցուկային կեղտաջրերն ու մնացորդները, որոնք պատշաճ կերպով չեն պահվում կամ վերամշակվում: Թափոնների խնդիրը լուծելու և արտադրությունը բարելավելու շարժառիթով ընկերությունը մասնակցել է ՌԱՄԱ ցուցադրական նախագծին «Կանաչ տնտեսություն Արևելյան գործընկերության տարածաշրջանում» EU4Environment (2019-2024). շրջանակներում:
ՌԱՄԱ գնահատումն ուսումնասիրել է արտադրական տարածքը և բացահայտել ՌԱՄԱ տարբերակներ, որոնցից ընկերության կողմից առաջնահերթություն է տրվել հետևյալ երկուսին, որոնք միջինից բարձր ծախսատարության առաջարկություններ են:
ՌԱՄԱ տարբերակ 1: Ֆոտովոլտային (PV) արևային վահանակների տեղադրում: Այս միջոցառումը կօգնի ընկերությանը դադարեցնել իր կախվածությունը բնական գազից, էլեկտրաէներգիայի ցանցից և դիզելային վառելիքից, որն օգտագործվում է պաստերիզացման և սառեցման գործընթացներում, և հնարավորություն կտա նրան դառնալ էներգետիկ առումով ինքնաբավ։
ՌԱՄԱ տարբերակ 2: AAFBR-5 կեղտաջրերի մաքրման կայանի ձեռք բերում: Այս միջոցառումը կապահովի կեղտաջրերի բազմափուլ մաքրում: Ներկայումս կեղտաջրերը միայն տեղումների ավազանում են ենթարկվում մեխանիկական մաքրման, այնուհետև ուղղակիորեն թափվում շրջակա միջավայր: Հետևաբար, միջոցառումը կնվազեցնի ընկերության կեղտաջրերի բացասական ազդեցությունը շրջակա միջավայրի վրա:
